Ubuyobozi bwa Miss Rwanda bwashyize mu bikorwa icyifuzo cy’umuyobozi wa Nkunda Gospel

 Ubuyobozi bwa Miss Rwanda bwashyize mu bikorwa icyifuzo cy’umuyobozi wa Nkunda Gospel

Umuyobozi akaba na nyiri Nkunda Gospel, Bob Sumayire abinyujije ku rukuta rwe rwa Twitter yabajije abategura irushanwa rya ‘Miss Rwanda’ impamvu umwe mubahatanira iri kamba witwa Keza Nadia yashyiriwe kuri shene ya YouTube ya Miss Rwanda video ituzuye mu gihe abo bahanganye bo bashyiriweho video nziza kandi zisobanura imishinga yabo neza.

Yagize ati: ” Nahoze nitegereza video z’abakobwa bemerewe gukomeza mu irushanwa rya Miss Rwanda, ngo bahagararire Intara y’Iburasirazuba, gusa igitangaje nuko nasanze video ya Keza Nadia ufite nimero 71 ifite amasegonda 28 gusa. Ese Niko mwabishatse cyangwa habaye ikosa? None umushinga we ko utagaragaye muri iyi video cyangwa ngo agaragare ari imbere y’akanama nkemurampaka? “

Abategura Miss Rwanda bakibona ubwo butumwa bahise bihutira gukuraho iyo video maze mu kanya katarambiranye bashyiraho indi video yuzuye.

Mu kiganiro umunyamakuru wa Nkunda Gospel yagiranye na Keza Nadia yatangaje ko “nkibibona naketse ko haba habayemo kwibeshya mpita nihutira kubibamenyesha
ariko ubwo babikosoye byanyeretse ko ikibazo cyanjye bacyakiriye neza kandi nabyishimiye.

Ubusanzwe Keza Nadia ni umukristu usengera mu itorero ry’abangilikani, akaba ari umwe mu bakobwa bahagarariye Intara y’Iburasirazuba.

Keza Nadia ufite Numero 71 yanaboneyeho umwanya wo gusaba abantu bamushyigikiye gukomeza kumuba hafi ndetse no kuzamutora kugira ngo amahirwe yo gutwara iri kamba akomeze kwiyongera.

Uyu mukandida muri Miss Rwanda yasoje ahamya ko niyambikwa ririya kamba azahita ashyira mu bikorwa umushinga we wo kugabanya inda ziterwa abangavu. Yagize ati:

“Ikindi nifuzaga kubabwira nuko iki kibazo cy’inda zitateganyijwe gikomeje kwiyongera kuburyo bugaragara kandi abana babivukiramo bahura n’ingaruka nyinshi mu mikurire yabo. Kandi bikomeje byadindiza iterambere ry’igihugu cyacu kuko urubyiruko arizo mbaraga z’igihugu. Nabasabaga kumfasha gukora ubuvugizi tukarwanya iby’abadindiza iterambere ry’igihugu.”

Kanda hano urebe iyi video

Related post

Leave a Reply

Your email address will not be published.