Umugeni yageze mu rusengero ku munsi w’ubukwe ategereza umusore araheba nyuma yo kumara imyaka 10 bakundana

 Umugeni yageze mu rusengero ku munsi w’ubukwe ategereza umusore araheba nyuma yo kumara imyaka 10 bakundana

Sasha n’umukunzi we Kevine bari bamaze imyaka 10 bakundana urukundo ari rwose hagati yabo. Mu Ukuboza 2017 ni bwo umusore yambitse umukobwa impeta ya ‘Fiançailles’ ndetse guhera ubwo batangira gutegura ubukwe bwabo bwari kuzatwara asaga Miliyoni 20 Frw. Ku munsi w’ubukwe Sasha yageze mu rusengero aho bari gusezeranira ategereza Kevin araheba.

Nyuma y’imyaka icumi Sasha Aristide yari amaze akundana na Kevine Hyppolite ndetse bamaze n’igihe kitari gito bategura ubukwe bwabo byaje kurangira umusore atengushye umukobwa ntiyagera aho bari gusezeranira.

Ku munsi w’ubukwe Sasha w’imyaka 29 y’amavuko yambaye ikanzu nziza y’umweru maze ajya ku rusengero yari gusezeraniraho kubana akaramata n’umukunzi we Kevin w’imyaka 30 y’amavuko nyuma aza gutungurwa no kubona uwo bari bamaze igihe kitari gito bakundana atahageze.

Sasha utuye mu gace ka Brooklyn, leta ya New York muri Leta Zunze Ubumwe za Amerika akaba akora akazi k’ubuforomo yakundanye n’umukunzi we Kevin myaka 10 yose ndetse urukundo ari rwinshi hagati yabo.

Mu Kuboza 2017, nibwo Kevin yambitse impeta ya fiançailles umukunzi we Sasha maze kuva ubwo bombi batangira gutegura ubukwe bwabo bwari buteganijwe kuzaba mu Kwakira 2018 ndetse bukazatwara $20,000 (20,748,900 Frw). Kuva batangira gutegura ubukwe umusore yahoraga abaza umukobwa aho imyiteguro igeze kugira ngo amenye neza ko uwo munsi w’amateka mu buzima bwabo uzagenda neza nkuko babyifuje.



Sasha na Kevin urukundo rukiri rwose

Ku munsi w’ubukwe bwabo Sasha yambaye ikanzu y’ubukwe maze ajya mu rusengero yari gusezeraniramo n’umukunzi we Kevin ariko aza gutungurwa no gusanga Kevin atarahagera. Sasha ari hafi kujya imbere ya Alitari yahamagahe umukunzi we amubaza icyatumye atinda maze amusubiza amubwira ko umushoferi wari kumuzana ariwe watumye atinda kuhagera.

Sasha nyuma yo gukomeza gutegereza Kevin igihe kitari gito yaje kugira impungenge nyuma y’uko umuntu yari yahaye akazi ko gutegura indabo aho ibirori by’ubukwe byari kubera amuhagamagaye amubwira ko bamwangiye kwinjira.

Uyu mukobwa yongeye gutungurwa ubwo umuntu wa kabiri yamuhamagaraga kuri telefone nawe amubwira ko ahantu hari kubera ibirori by’ubukwe nta gahunda y’ibirori yari iteganijwe kuhabera kuri uwo munsi.

Nyuma yaho Sasha yaje kumenya ko aho ubukwe bwari kubera umusore atigeze yishyura amafaranga yose yasabwaga bityo bituma adahabwa uburenganzira bwo kuhakorera.

Sasha yategereje umukunzi we ku rusengero araheba

Ikinyamakuru The Sun UK dukesha iyi nkuru cyatangaje ko uyu mukobwa nyuma yo kubona ko ntayandi mahitamo ahari yahise ava ku rusengero ataha mu rugo.

Umusore nyuma yo gutenguha umukobwa hashize icyumweru yaje kumwegera amusaba imbabazi amubwira ko ibyabaye atari agambiriye kubikora. Yagize ati: “Ntago nashakaga kubikora ryose. Ntago ari ibintu nari narateguye kuzakora. Ni kuriya nyine byabaye.” 

Umusore nubwo yasabye imbabazi, umukobwa yavuze ko bitashoboka ko bombi bakongera gukundana kubera ibyo yamukoreye ku munsi w’ubukwe bwabo.

Related post

Leave a Reply

Your email address will not be published. Required fields are marked *