Umuhanzi Buravan yasubije abibaza ku iterambere rye mu ndirimbo nshya ‘Ni Yesu’

 Umuhanzi Buravan yasubije abibaza ku iterambere rye mu ndirimbo nshya ‘Ni Yesu’

Umuhanzi w’icyamamare ukunzwe cyane hano mu Rwanda no hanze yarwo, Yvan Buravan ndetse unazwiho gutwara ibihembo mpuzamahanga bitandukanye, yakoze indirimbo nshya yise ‘Ni Yesu’ isubiza abantu bose bibaza impamvu uyu muhanzi ahorana akanyamuneza ababwira ko byose ari ukubera Yesu.

Uyu muhanzi uzwiho kugira ijwi riyunguruye atangira aririmba ko hari abamubaza bati:

“Kuki uhora wishimye? Kuki uhorana akanyamuneza?”

Yvan Buravan yaririmbye ko abantu bose bamubajije icyo kibazo abasubiza yeruye muri aya magambo ati:

“Ntawundi ni Yesu, aya mahoro mumbonana ni Yesu. Njye ntakintu nakwishoboza atari Yesu, ahubwo mbonereho gushima Imana yo yabikoze. “

Mu ijwi riyunguruye uyu muhanzi akomeza yemeza ko ibi byose yabikorewe nta kiguzi atanze. Agira ati:

“Ubuntu bwayo nibwo bwangize uwo ndi we, aya mashimwe ni ayawe. Oh my God thank you ni yo ndirimbo mporana ku mutima.”

Mu gusoza iyi ndirimbo Yvan Buravan avuga ko akizirikana isezerano Imana yamuhaye. Yagize ati:

“Wavuze ko no mu gicucu cy’urupfu uzansindira urwo rupfu… Nzagushima mu gitondo ngushime bugorobye.”

Muri izi mpera z’umwaka abahanzi bahisemo gukora indirimbo zo mu bwoko bubiri kugira ngo bafashe abakunzi babo kuryoherwa n’iminsi mikuru.

Hari bamwe bari gukora indirimbo za Noheli n’ubunani ariko abandi bagakora indirimbo zo gushima Imana kubwo ibintu binyuranye bagezeho. Aha niho Buravan nawe yakoze indirimbo avuga ko ibyo yabonye byose ari ukubera Yesu.

Ni Yesu

Related post

Leave a Reply

Your email address will not be published.