Umuhanzi Kagame Charles yakebuye abantu birata ubutunzi aho kwirata Imana

 Umuhanzi Kagame Charles yakebuye abantu birata ubutunzi aho kwirata Imana

Umuhanzi Kagame Charles ubarizwa mu gihugu cya Australia, uririmba indirimbo zo kuramya no guhimbaza Imana yasohoye indirimbo nshya yise ‘Umuzingo’ ishishikariza abantu kwirata Yesu gusa kuruta kwirata ubutunzi bwabo.

Mu kiganiro yagiranye na Nkunda Gospel, Kagame Charles yatangaje ko igitekerezo cyo gukora iyi ndirimbo cyaje nyuma yo kwitegereza isi ya none agasanga yirata ibidakwiriye. Yagize ati:

“Igitekerezo cyo gukora iyi ndirimbo cyaje ubwo natekerezaga ukuntu isi ya none yirata ubutunzi n’amazina akomeye kurusha kwirata Yesu.”

Kagame Charles yakomeje ati: “Ubutumwa bukubiye muri iki gihangano ni ubwo kwirata Yesu wenyine kuko ariwe usubiza amasezerano agahindura ubuzima bwacu.”

Kagame Charles ni umuhanzi umaze hafi imyaka 3 akora indirimbo zo kuramya no guhimbaza Imana. Kugeza ubu amaze gukora indirimbo zigera kuri 7, zakunzwe n’abatari bake hirya no hino ku isi. Uyu muhanzi yashimiye buri wese ukunda ibyo akora kandi akabishyigikira bityo abakunda ibihangano bye yabasabiye umugisha uva ku Mana.

Kanda hano urebe indirimbo nshya

Related post

Leave a Reply

Your email address will not be published.