Umuhanzi Meddy yatunguye Abakristu abifuriza Pasika nziza

 Umuhanzi Meddy yatunguye Abakristu abifuriza Pasika nziza

Umuhanzi NGABO Gilbert Médard uzwi cyane nka Meddy akaba n’umwe mu bamaze igihe bakunzwe cyane mu muziki nyarwanda yatunguye Abakrisitu mu kwizihiza umunsi Mukuru wa Pasika.

Uyu muhanzi umaze igihe akorera umuziki we muri Amerika abinyujije ku rukuta rwe rwa Instagram ahagenewe ubutumwa bumaraho igihe kirekire ndetse n’ahajya ubw’igihe gito (story) yashyizeho amashusho agaragaza ifoto ya Yezu/Yesu iherekejwe n’amagambo avuga uburyo Yesu ari Umwami w’Abami, Umwana w’Imana, ubwihisho n’Umwami we.

Nyuma yo gushyiraho ayo mashusho, uyu muhanzi yahise ashyiraho amagambo ayaherekeza aho yahise yandika ati: ”Muzi umwami wange?” hanyuma aravuga ati: ”Pasika nziza(happy passover)”.
NGABO Médard atangaje ibi nyuma y’uko ku munsi w’ejo tariki ku 17 Mata 2022 Abakrisitu bose bo ku isi babyemera bizihihe umunsi w’izuka rya Yesu uzwi nka Pasika. 

Umuhanzi Meddy usanzwe aririmba indirimbo zisanzwe unaherutse kwibaruka imfura ye, akomeje guca amarenga ko yaba agiye kuba umuhanzi uririmba indirimbo zo kuramya no guhimbaza Imana cyane ko no mu kwezi gushize abinyujije ku rukuta rwe rwa Instagram yavuze ko ahindutse icyaremwe gishya maze ashyiraho ifoto ye afite Bibiliya Yera akaba ari ho abantu benshi bahera bavuga ko yaba agiye kujya mu muziki wo kurimba indirimbo zihimbaza Imana zonyine.

Related post

Leave a Reply

Your email address will not be published.