Umupasiteri wahamwe n’icyaha cyo kwica umugore we agiye gufungwa imyaka 23

 Umupasiteri wahamwe n’icyaha cyo kwica umugore we agiye gufungwa imyaka 23

Umupasiteri wo muri New York witwa Victor Mateo yahamwe n’icyaha cyo kwica umugore we witwa Noelia,bituma akatirwa igifungo cy’imyaka 23.

Amakuru dukesha ikinyamakuru cyitwa ‘Christian Post’ avuga ko uyu mupasiteri yajyaga yiruka kuri uyu mugore ndetse agashaka kumutema n’umuhoro kandi ari imbere y’umwuzukuru.

Victor Mateo w’imyaka 65, wayoboye amahuriro anyuranye ya gikristu, ntabwo ashinjwa gusa kwica umugore we ahubwo aranashinjwa gutuma umwuzukuru we agira ihungabana.

Mu kwezi k’Ugushyingo 2021, uyu mupasiteri nibwo yahamijwe n’urukiko icyaha cyo kwiyicira umugore we w’imyaka 58, ubwo hari ku italiki ya 3 Ukwakira 2019 ndetse amwica ari imbere y’umwuzukuru we w’imyaka 9.

Umwuzukuru we ubwo yari mu rukiko yakoresheje amagambo aboneka muri Bibiliya avuga ko usibye kuba uyu mupasiteri ahemukiye umuryango anahemukiye n’itorero muri rusange.

Muri ino minsi hari kumvikana inkuru zivuga ubushyamirane mungo, cyane cyane z’abakristu, wowe usoma iyi nkuru urasabwa gusenga kugira ngo Imana ikwambutse iyi nyanja.

Related post

Leave a Reply

Your email address will not be published.