Umupasitori ukomeye muri USA yajyanye Kanye West mu nkiko

 Umupasitori ukomeye muri USA yajyanye Kanye West mu nkiko

Pasiteri ukomeye w’umunyamerika biravugwa ko yareze umuraperi Kanye West uri mu bakomeye cyane mu gihugu cya USA.

Uyu muraperi yajyanwe mu butabera na Pasiteri David Paul Moten kuko ngo atishimiye ko imwe mu nyigisho ze yakoreshejwe n’uyu muraperi mu ndirimbo atabimuhereye uburenganzira.

Amagambo agize ikibwiriza cy’uyu mupasiteri yakoreshejwe mu ndirimbo ya Ye yitwa Come to Life iri kuri alubumu ye Donda yasohotse umwaka ushize.

Ye yatoranije ijambo rya Musenyeri David Paul Moten maze akoresha amajwi muri iyo ndirimbo Come to Life ariko inyandiko zajyanwe mu butabera zasuzumwe na TMZ, pasiteri ntiyashimishijwe cyane n’ibyo Ye yakoze.

Muri izi mpapuro,Motenko yavuze ko ikibwiriza cye cyakoreshejwe nka 20% mu ndirimbo,bingana n’amasegonda 70 mu minota 5 n’amasegonda 10 bigize iyo ndirimbo.

Uyu pasiteri yamaganye uyu muhanzi kubera uburyo “yafashe nkana kandi abigambiriye amajwi y’abandi atabanje kubiherwa uruhushya.”

Ijambo nka “roho yanjye iravuga haleluya kandi ndashimira Imana kuba yarankijije “yumvikana mu ntangiriro z’iyi ndirimbo kandi hari n’ibindi bice byumvikanyemo.

UMG Recordings, Def Jam Recordings na G.O.O.D Music bose bavuzwe muri uru rubanza kandi bazasabwa indishyi. Come To Life iri kuri alubumu ya 10 y’uyu muraperi yiswe Donda, yasohotse umwaka ushize.

Pasiteri David Paul Moten ntabwo ariwe muntu wenyine uherutse kugerageza kurega Kanye West.

Smokepurrp aherutse gushinja Kanye ko atamwishyuye agera kuri miliyoni 9 z’amadorari y’indirimbo yise « I Love It» yamwandikiye igakundwa cyane.

Related post

Leave a Reply

Your email address will not be published. Required fields are marked *