Umupasitori wo muri Uganda yasubije Papa Francis wavuze ko icyaha cy’ubusambanyi kidakomeye cyane

 Umupasitori wo muri Uganda yasubije Papa Francis wavuze ko icyaha cy’ubusambanyi kidakomeye cyane

Umupasitori wo mu gihugu cya Uganda, witwa Cyrus Rod wo mu itorero rya Dominion Faith Church, riherereye i Kampala, yasubije umushumba mukuru wa kiliziya gatolika ku isi, Papa Francis, uherutse kuvuga ko icyaha cyo gusambana kidakomeye kuruta ibindi byaha.

Abinyujije ku rukuta rwe rwa Facebook Pasitori Cyrus Rod yavuze ko “gusambana ari icyaha gikomeye cyane nk’ibindi byaha byose.”

Yakomeje avuga ko “icyaha cyo gusambana gikomeye cyane ngo kuko kiri mu byatumye Imana itanga umwana wa yo w’ikinege akabambwa ku musaraba kugira ngo tubabarirwe ibyaha.”

Mu mboni za Pasitori Cyrus Rod ngo abantu basigaye bagoreka ijambo ry’Imana kugira ngo borohereze abo baribwira ngo badakuka umitima. Gusa ngo ijambo ry’Imana rigomba kuvugwa uko ryakabaye nta cyo urivuga ahinduyeho.

Mu magambo ye bwite, Pasitori Cyrus yagize ati:” Imana yatuzanye mu Isi kugira ngo tuyihindure ariko ikibabaje ni uko abantu benshi ahubwo bahumuriza abayituye kugira ngo badakuka imitima. Usanga ahanini twanga kuvuga ko twakijikwe ndetse no kubabwiza ukuri kabone niyo kwababaza kuko imico yacu n’iy’abo tubwira usanga isa.”

Nyuma y’aho Musenyeri mukuru w’i Paris, Michel Aupetit yeguye ku mirimo ye kubera ko yari afite umugore bakundana mu ibanga bari bamaze imyaka hafi 10, ibyo Papa Francis abona ko bidakaze cyane nk’ibyari gutuma yegura kuko icyaha cyo gusambana cyangwa irari atari icyaha gikomeye kurusha ibindi.

Papa  Francis aganira n’abanyamakuru yavuze ko “ibyaha by’umubiri atari byo bikomeye” igihe yasabwaga kugira icyo avuga kuri Musenyeri Mukuru wa Paris weguye, Michel Aupetit, nyuma y’ibitangazamakuru bivuga ko hari umubano yari afitanye n’umugore, yari yarabihakanye yivuye inyuma ariko ageze aho afata umwanzuro wo kwegura anemera ko ahari bityo ko atabaho mu buzima bwa Gisenyeri kandi akunda.

Related post

Leave a Reply

Your email address will not be published. Required fields are marked *