Umuramyi Gikundiro Rehema ufashwa n’umugabo we yasohoye indirimbo “Nguwo araje” ivuga ku bihe bigoye isi igezemo

 Umuramyi Gikundiro Rehema ufashwa n’umugabo we yasohoye indirimbo “Nguwo araje” ivuga ku bihe bigoye isi igezemo

Umuhanzikazi uririmba indirimbo zo kuramya no guhimbaza Imana, Gikundiro Rehema, umunyarwandakazi ubarizwa muri Leta Zunze Ubumwe za Amerika, yasohoye indirimbo nshya “Nguwo araje” asaba abatuye isi bose kwitegura umwami Yesu.

Uyu muramyi ufashwa mu muziki we n’umugabo we, Ishimwe Claude, mu kiganiro yagiranye na Nkundagospel yavuze ko igitekerezo cyo gukora iyi ndirimbo “Nguwo araje” cyaje kivuye kubyo abona muri iki gihe. Yagize ati:

“Ni indirimbo umuntu atavuga ko yaje gutyo gusa, ahubwo yaje ivuye mu bihe umuntu aba abona muri ikigihe. Abantu benshi barahuze ariko kandi ntibibujije umwami Yesu kuza.”

Yakomeje avuga ko ubutumwa bukubiye muri iki gihangano cy’umwuka ari “ukuzirikana ko nubwo dufite ibyo twita ubuzima bwa buri munsi kuri ubu butanoroshye na gato, umwami wacu Yesu azaza nkuko yasezeranye. Azaza kuko ibigaragaza kuza kwe byose birihuta kuboneka, bityo twifuza ko abagenzi babizirikana.”

Gikundiro Rehema kandi twamubajije uko afata ukuba uharanira iterambere ry’ibihangano bye ari umufasha we maze adusubiza ko kuri we uwo ari wo mugisha wa mbere. ati:

“Kuri njye ni umugisha ugoye gutangirwa ubusobanuro kandi birashoboka iyo ibyo umufasha wawe akora ubibona nk’inzira igufasha gushyika ku gutungana gukwiriye mu muhamagaro ndetse no mu buzima busanzwe, cyane ko ndi umuntu wanyuzwe n’ubuntu bw’Imana bumurimo kandi nabihamya ni umukozi w’Imana, aryoheye gukundwa ntabwo asanzwe. Ndamukunda na buri kimwe cyose Imana yashyize muri we.”

Gikundiro Rehema amaze gukora indirimbo zirenga 10, zirimo gutunganywa zigiye gusohoka vuba dore ko yari amaze imyaka 4 adakora indirimbo ariko nanone ategura iby’urugendo rwe mu muziki, bityo arateguza abakunzi be ibihangano byinshi kandi byiza. Yagize ati:

“Mu izina ry’umuryango wacu twese ndetse n’uwo abakunzi b’umusaraba bose twifuza kubamenyesha ko tubifashijwemo na Yesu twateguye byinshi kuko Data wo mu ijuru arimo kuvugira muri twe muri ikigihe kandi vuba tuzabagezaho byinshi.” Yakomeje ati:

“Turashimira Imana yaduhuje n’umugabo w’intwali witwa Steven Karasira, benshi mwamumenye kuri Radio Umucyo. Ni umwe mu batubera aho tutari. Imana izamuhemba.” Yakomeje ati:

“Ibindi ni uko Imana irimo kugenda itwagura. Dufite benshi batashatse ko amazina yabo atanganzwa barimo kudufasha kandi cyane kubijyanye no gukora izindi ndirimbo. Bose turabashimiye. Ndashimira n’abari hano muri Amerika harimo Lyve Live Band, bari Lincoln Nebraska , Deo ni Bassist, Jean d’amour , Rushimisha , Kavoma , David , Clare , Alliance , n’abandi benshi harimo na Editor & Director BJC ndetse n’umuhanzi witwa Elvanie ( Elva ), umuririmbyi mwiza rwose.”

“Bose baradufashije cyane n’abandi bose tutavuze ndetse namwe abanyamakuru muri umugisha, cyane cyane Nkundagospel hamwe na Team Management yanyu turabashimiye by’umwihariko Dr Bob Sumiyire.”

Kanda hano urebe iyo ndirimbo

Related post

Leave a Reply

Your email address will not be published.