Umuraperi Kanye West yanze ko Kim Kardashian arera abana be kuko ngo atizera Imana

 Umuraperi Kanye West yanze ko Kim Kardashian arera abana be kuko ngo atizera Imana

Kanye West YE umuraperi akaba n’umuherwe yongeye kwibasira uwahoze ari umugore we Kim Kardashian uherutse kugirwa ingaragu imbere y’amategeko, avuga ko atishimiye uko ari kurera abana be by’umwihariko imfura yabo North West.

Uyu muraperi kandi yavuze ko atishimiye kubona Kim Kardashian arera abana be kuko atizera Imana. Ibi yabitangaje nyuma yaho yari amaze kumwibasira amubaza impamvu yongeye gushyira imfura yabo kuri TIk-Tok kandi yarabimubujije.

Ikinyamakuru People Magazine cyatangaje ko Kanye West Ye wari umaze iminsi atavuga kuri Kim Kardashian wahoze ari umugore, kuri ubu yongeye kumwibasira ku mbuga nkoranyambaga amubwira amagambo atari meza anavuga ko uyu munyamideli atizera Imana kandi ko atishimiye kubona umuntu utizera Imana arera abana be. Mu ijoro ryakeye ni bwo uyu muraperi yatangiye kugaragaza amarangamutima ye kuri Instagram nyuma yo kubona imfura ye North West yasubiye gukoresha TIk Tok arikumwe na nyina Kim Kardashian.

Mu magambo ye Kanye West yagize ati: ”Umukobwa wanjye ntabwo azayoborwa n’abantu batizera Imana. Ndi mu mwanya mwiza w’Imana nkurikiza ubushake bwayo”. Uyu muraperi mu magambo menshi yatangaje hari aho yagize ati: ”Kim ntashaka ko mbona abana banjye, ntabwo ashaka ko baza mu iteraniro ryo ku Cyumweru. Ibi ndikubivugira ku mugaragaro kuko umuryango wanjye uzwi kandi ibi ni byo nemerewe gukora imbere y’amategeko mfite uburenganzira ku bana banjye”.

Kanye West yashyize hanze amashusho avuga ko adashaka ko Kim Kadarshian arera abana be byumwihari ko North West.

Mu mashusho uyu muraperi Kanye West yasohoye yagize ati: ”Iyo mvuze ibintu muvuga ko ndi umusazi cyangwa ko nabuijije amahoro Kim Kardashian. Ariko nimurebe noneho yasubije North kuri Tik Tok kandi narabimubujije. Ni gute areka umwana muto aririmba ‘Emo Girl’ yisize ibintu nkabiriya mu maso? Kim sinamugarukaho kuko ndabizi ntiyizera Imana kandi sinifuza ko arera abana banjye mugihe atizera Imana. Ndifuza ko abana banjye barerwa n’umuntu wizera Imana kuko ntawuyizera ukora ibyo Kim akora”.

Kanye West kandi uretse gutangaza ibi yanarekanye ubutumwa yandikiranye na Kim Kardashian amusaba ko yamuzanira abana,uyu munyamideli ntiyagira icyo amusubiza. People Magazine ivuga ko ibi Kanye West abitangaje nyuma yo kubona imfura ye North West yasubiye kuri Tik Tok. Kugeza ubu ntacyo Kim Kardashian arasubiza Kanye West Ye wamwibasiye ku mugaragaro.

Related post

Leave a Reply

Your email address will not be published. Required fields are marked *