Umutoza wirukanwe kubera gusenga nyuma y’umukino yahumurijwe

 Umutoza wirukanwe kubera gusenga nyuma y’umukino yahumurijwe

Urukiko rukuru rwa Amerika rwatangaje ko rwemeye gutega amatwi ikibazo cy’umutoza w’ikipe y’umupira w’amaguru y’Ikigo cya gikristo, Kennedy wirukanwe kubera gusengera mu kibuga ubwo imikino yari irangiye.

Uru rukiko rwabitangaje kuri uyu wa Gatanu ko rwiteguye kumva ubuhamya mvugo kuri iki kirego cy’uyu mutoza, Kennedy n’umuburanyi we Bremerton School District, uvuga ko yahohotewe nyuma y’aho urukiko rw’ibanze rwemeje ko yirukanwa kubera ko ngo nta muyobozi ukwiriye gupfukama imbere y’abanyeshuli ngo arasenga.

Mu mwaka wa 2016 Joe Kennedy yareze iki kigo nyuma y’aho mu mwaka wa 2015 yirukanwe azira gusengera mu ruhame akavuga ko ibyo bamukoreye binyuranyije n’amategeko y’ubwisanzure ku myemerere y’amadini.

Yagize ati:

“Nta mwalimu cyangwa umutoza ugomba gutakaza akazi ke kubera guhamya imyemerere ye mu ruhame.”

Umuyobozi mukuru w’Ikigo gifasha abantu muby’amategeko, akaba ari nabo barikuburanira Kennedy, First Liberty, Madamu Kelly Shackelford, nawe yemeje ko bashingiye ku itegeko batakagombye kuba barirukanye uriya mutoza.Yagize ati:

“Nkuko Kennedy yitabaje ririya tegeko, urukiko rukuru narwo rukwiriye kurinda uburenganzira bwa buri muturage wese w’Amerika bwo kugira ubwisanzure mu idini no mu myemerere ye yose, harimo no gusengera mu ruhame nta bwoba bwo guhanwa.”

Related post

Leave a Reply

Your email address will not be published. Required fields are marked *