Umuvugizi wa ADEPR yavuze ko urukingo rwa covid 19 ntaho ruhuriye na Antikirisitu

 Umuvugizi wa ADEPR yavuze ko urukingo rwa covid 19 ntaho ruhuriye na Antikirisitu

Umuvugizi w’Itorero rya Pentekote mu Rwanda ADEPR, Pasiteri Ndayizeye Isaïe, yashimye Imana ko habonetse urukingo rwa covid 19 ko hari abantu batangiye gukingirwa kandi yongera kuburira abantu bagize ivangirwa ryo guhanura ibivuye mu marangamutima yabo.

Umuvugizi w’Itorero rya pentekote mu Rwanda ADEPR, Pasiteri Ndayizeye Isaïe yashimye Imana ko habonetse urukingo rwa Covid 19

Yabigarutseho kuri iki  cyumweru tariki 7 Werurwe 2021, mu kiganiro cyaciye kuri Life Radio ni radio ya ADEPR

Yagize ati “ ni byiza ko tubivugaho hatazagira umuntu bahanurira ibitaribyo icyerekana ko ataribyo nuko ubuhanuzi buhishura ibitarabaho. Rero umuntu iyo atangiye guhanura ibyabaye agahanura yumvise ko urukingo rwatangiye gukorwa mu nganda ubwo si ubuhanuzi. Turabizi ntaho urukingo ruhuriye na antikirisitu. Kuko ibyaha turabizi mwirinde ibyaha, ntaho urukingo ruhuriye niby’ubugingo.” 

Yakomeje avuga ko aho ubugingo buri naho urukingo ruterwa ntaho bihuriye mwirinde ibyaha, hari igihe usanga abantu bashyira imbaraga mu kwirinda ibitari ibyaha ariko ibyaha bakabikora. Mwirinde hatagira umuntu ubayobya agendeye ku marangamutima ye cyangwa yitwaje ibyanditswe byera. Ndabizi ko abanyetorera rya pentekote mu Rwanda murakuze ntago mwagushwa n’ubwo buhanuzi.

Ibi yabitangaje nyuma yuko urukingo rwa covid 19 rugeze  mu Rwanda. Ubuhanuzi bwinshi bugacicikana hirya no hino buvuga ko yaba ari antikirisitu yaje bamwe batagangira kuvuga ko batazikingiza.

Related post

Leave a Reply

Your email address will not be published. Required fields are marked *