“Uruhukire mu mahoro mumalayika muto” Meddy n’umufasha we babwira Akeza Elisie

 “Uruhukire mu mahoro mumalayika muto” Meddy n’umufasha we babwira Akeza Elisie

Benshi mu bumvise ibivugwa ku rupfu rw’umwana witwa Akeza Elisie Rutiyomba wo mu Kagari ka Busanza,mu murenge wa Kanombe mu Karere ka Kicukiro witabye Imana ku wa Gatanu tariki 14 Mutarama 2022 bivugwa ko yaguye mu mazi idomoro ya litiro 200 baguye mu kantu, gusa bashidikanya ku bivugwa ku rupfu rwe.

Nyuma y’urupfu rw’umwana w’umukobwa w’imyaka 5, Akeza Elisie Rutiyomba wamamaye mu gusubiramo indirimbo ‘My Vow’, umuryango wa Meddy na Mimi uri mu bamuhaye icyubahiro, bamwifuriza kuruhukira mu mahoro.

Abantu benshi bakomeje kugaragaza ko bababajwe n’urupfu rw’uyu mwana, muribo hakaba harimo umuryango wa Ngabo Medard Jobert wamamaye nka Meddy, n’umugore we Mimi Mehfira wanakomeje kugenda agaragaza ko yashenguwe n’urupfu rw’uyu mwana.

Abinyujije ku rukuta rwa Instagram, Meddy yashyizeho ifoto ya Akeza Elisie Rutiyomba, yongeraho ubutumwa bugira buti: “Uruhukire mu mahoro mu malayika mutoya turagukunda.” Mimi nawe yahise ashyira ahagenewe ubutumwa bw’amasaha 24 kuri instagram ubutumwa bwa Meddy, yongeraho ati: “Uruhukire mu mahoro.”

Kuva Akeza Elisie Rutiyomba yakwitaba Imana mu masaha ya saa sita n’igice y’amanywa kuwa 14 Mutarama 2022, ibihumbi by’abanyarwanda bakomeje kugaragaza ko bababajwe n’urupfu rwe kandi bihanganisha umuryango we by’umwihariko nyina wari umufite ari umwe.

Agathe nyina wa Akeza akaba yarahoze atuye Kabeza, ariko mu minsi micye ishize akaba yari yarimukiye mu Bugesera.

Related post

Leave a Reply

Your email address will not be published. Required fields are marked *