USA: Muribaza ngo noneho MEDDY nabaye iki, ariko YESU ARAKORA niko kuri kandi nawe ARAGUKUNDA

 USA: Muribaza ngo noneho MEDDY nabaye iki, ariko YESU ARAKORA niko kuri kandi nawe ARAGUKUNDA

Umuhanzi ukundwa n’abatari bake mu ndirimbo z’urukundo (secular songs),Ngabo Medard uzwi cyane nka Meddy, ku rukuta rwe rwa Instagram yatangaje amagambo akomeye agaragaza kwizera kwe gukomeye mu by’Imana.

Umuhanzi NGABO MEDARD

Hari hashize iminsi mike cyane uyu musore, Meddy, asohoye indirimbo yakunzwe na benshi yaririmbiye umukunzi we, nyuma yuko iyo ndirimbo ivuzweho byinshi kubera ko yarebwe cyane bidasanzwe mu gihe gito, dore ko yujuje miliyoni 1 zabayirebye mu minsi ibiri gusa yayikurikije amagambo akomeye agaragaza kwemera kwe gukomeye.

Kubakurikiranira hafi uyu muhanzi si ubwa mbere yaragaragaje ko yizererea mu mwami Yesu cyane, dore ko mu minsi ishize, mu kwezi kwa Gicurasi taliki 3 nabwo yanditse amagambo kuri uru rukuta rwe rwa Instagram avuga ko ubuzima buba bwiza cyane iyo YESU ariwe uyoboye, ibintu byatumye benshi bibaza niba uyu muhanzi yaba yakiriye AGAKIZA cyangwa se asanzwe akijijwe akaba yaranze kubitangaza mbere.

“UBUZIMA BURUSHAHO KUBA BWIZA IYO YESU ARIWE UTWARA WOWE UGASHYIRAMO AMAVUTA GUSA,..”

Kuwa kabiri w’iki cyumweru nibwo uyu muhanzi yanditse amagambo yatangaje benshi, kuko akenshi ntabwo abahanzi nkaba b’ibyamamare bakunze kugaragaza ukwizera kwabo nubwo atabura gucishamo ngo akore indirimbo zihimbaza Imana, dore ko uyu Meddy yanakoze izirenze imwe, harimo iyakunzwe kandi inakoreshwa na benshi yise NTACYO NZABA yafatanijemo na Adrien MISIGARO usanzwe uririmba indirimbo zihimbaza IMANA.

Mu magambo yanditse ku rukuta rwe rwa Instagram mu rurimi rw’icyongereza tugenekereje mu Kinyarwanda yagize ati “Ntimuhuge cyane mwita cyane kuby’ubu buzima, ntimube abapfu kubyo kumenya Imana, si umugabo wo mumateka, arakubona, arakuzi, aragukunda kandi ashaka ko ubimenya. Ubu si ubutumwa bwo kugutera imbaraga, si nk’ibyo wizera bisanzwe. Yahinduye ubuzima bwanjye n’ubryo narebagamo ibintu. Uko niko kuri”

Yakomeje agira ati “Wenda niba utanizera ibyo ndi kuvuga, wasengana nanye iri sengesho ukagira uti “Mana, mubyukuri sinizera ko uriho, nibi bintu bya Yesu simbyumva neza, wanyiyereka?” Abanyedini bari buvuge ngo iri si isengesh ariko mubyukuri niryo sengesho Imana ishaka ko usenga.”

Asoza mu magambo yanditse, uyu muhanzi yagize ati “Benshi muri gusoma ibi muri kwibaza muti noneho ni ibiki byabaye kuri Meddy? Nshuti bavandimwe ibi bintu ni ukuri birakora, nanjye ndasenga ngo Imana ikwihishurire nkuko nanjye nanjye yanyihishuriye. Nshobora kuba Atari njye rugero rwiza rwo kuvuga ibi, kandi sinambaye n’imyambaro ya gishumba ariko nanabirahirira ko YESU ariho, ubwe niwe wivugira ko ariho, kandi asoza buri kimwe mubyo avuga nanjye ndi umuhamya. Ndabakunda mwese, ntimugatume iby’isi bibabuza kumenya ukuri kuby’iyi Mana”.

Ni amagambo akomeye cyane kandi arimo kwemera gutangaje, yafashije benshi kandi banifatanya nuyu muhanzi bahamya ko ibyo avuga ari ukuri.

Imana ifata uwo ishatse, ikoresha uwo ishatse.

Related post

1 Comment

  • Meddy God bless you my Zion brother to proclaim your faith publicly. Our job is to preach the Gospel of Jesus-Christ of Nazareth to the world and the Holy Spirit will convince them. Keep up the good job.

Leave a Reply

Your email address will not be published.