Uwihinduje igitsina yahawe akazi ko kwigisha Iyobokamana bikurura impaka

 Uwihinduje igitsina yahawe akazi ko kwigisha Iyobokamana bikurura impaka

Arikidiyosezi Gatolika ya Freiburg mu Budage yakomeye ku cyemezo yafashe cyo guha akazi ko kwigisha Iyobokamana uwihinduje igitsina akaba umugabo. Bwana Theo Schenkel wahawe akazi wahoze ari umugore mu buryo karemano ariko akaza kwihinduza akaba umugabo mu buryo bwa Siyansi, yemerewe n’iyo Arikidiyosezi kujya yigisha Iyobokamana Gatolika mu bigo bya Leta. Ibi bikimara kumenyekana havutse impaka ndende zishingiye ku kuba iyo diyosezi yaba yarenze ku mahame n’inyigisho za Kiliziya Gatolika ku bijyanye n’ihame ry’imibonano mpuzabitsina n’ishyingiranwa ariko iyo Arikidiyosezi yahagaze ku cyemezo cyayo.

Umuvugizi wa Arikidiyosezi ya Freiburg aganira n’Ibiro Ntaramakuru Gatolika yemeje ko uwo mukozi yahawe akazi koko. Yagize ati: ‘’Ndemeza ko bwana Theo Schenkel yahawe uruhushya ruhoraho rwo kwigisha Iyobokamana Gatolika mu mashuri ya Leta.
Kubera ko kuva amahame ya Kiliziya yabuza umwalimu wari wahuguwe gutanga iryo somo,d Arikidiyosezi yahaye uruhushya rwa burundu rwo kwigisha kandi rwashyizweho umukono n’umuyobozi mukuru wa Arikidiyosezi”.

Ubuyobozi bw’iyo Arikidiyosezi ndetse n’ubuyobozi bw’amashuri ya leta babona koibyo kuri bwana Schenkel ngo yigishe amasomo y’Iyobokamana Gatolika.

Nyiri uguhabwa akazi ariko yabwiye itangazamakuru ko ako kazi gashobora kuzamuteza ibibazo kuko afite umugore bakundana kandi ko mu gihe baba babanye nk’umugore n’umugabo Kiliziya ishobora kubifata nko gushyingiranwa kw’abagore babiri kandi ibyo isanzwe itabyemera na gato.

Mu gusubiza abibazaga nina hatarabayeho gutambikira amahame ya Kiliziya, iyi Arikidiyosezi yavuze ko icyemezo cyo guha akazi umuntu umuntu wihinduje igitsina ari icyemezo cyafashwe kuri uwo muntu gusa bitavuze ko byabaye ihame. Yongeyeho kandi ko amabwiriza agenga umurimo muri Kiliziya yo mu Budage kuri ubu ari gusubirwamo ngo hanozwemo ingingo zimwe na zimwe.

Diyosezi zitari nkeya mu Budage zagiye zitangaza ko ko zitakibuza abakozi babarizwa mu muryango uhuza abaryamana n’abo bahuje ibitsina, abaihinduje n’bandi (LGBT) gukorera Kiliziya. Ibi kandi byaje bikurikira umunsi wafashwe nko gusuzugura Vatican ubwo abapadiri n’abandi bakozi ba kiliziya banyuranye mu Budage berekanaga ko bashyigikiye amahuriro y’abaryamana n’abo bahuje ibitsina ndetse bigakorwaho n’ubukangurambaga mu itangazamakuru muri 2021.

Uwahoze ari Umushumba wa Kiliziya ku isi, Papa Yohani Pawulo wa II yavuze ko ashingiye ku byanditswe bitagatifu ibikorwa byo kuryamana kw’abahuje ibitsina ari bibi cyane kandi ko n’amahame avuga ko bidahwitse binyuranye n’amategeko kamere. N’ubwo yavuze gutyo ariko hari bamwe harimo n’abakora muri Kiliziya bumva ko hari hakenewe amavugurura muri Kiliziya kuko ubu imibanire yahindutse bikaba bituma bitega ko urugendo rwa Synodi igamije amavugurura muri Kiliziya rwatangiye rushobora kuzasiga impinduka ku bintu bimwe na bimwe.

Related post

Leave a Reply

Your email address will not be published.