Vestine na Dorcas bahawe igihembo

 Vestine na Dorcas bahawe igihembo

Abahanzi nyarawanda n’ibyamamare binyuranye ku mugoroba wo kuri uyu wa Gatanu begukanye ibihembo bya Isango na Muzika Awards 2021, aho abarimo Meddy, Vestine na Dorcas ndetse n’abandi begukanye ibihembo mu ngeri zinyuranye

Ni ibihembo byatanzwe ku mugoroba wo kuri uyu wa Gatanu, tariki 25 Gashyantare 2022, bitangirwa kuri Canal Olympia ku i Rebero, ni ibirori byari byitabiriwe n’ibyamamare birimo na Eddy Kenzo.

Vestine na Dorcas bafashwa mu muziki na Murindahabi Irene nibo tsinda ry’umwaka rikora indirimbo zo guhimbaza Imana ‘Best Gospel Artist” dore ko indirimbo baherutse gukora yarebwe na miliyoni 3 mu kwezi kumwe.

Ngabo Meddy uherutse gutangaza ko agiye kujya aririmba indirimbo zo kuramya no guhimbaza Imana gusa yabaye umuhanzi mwiza w’ikinyacumi, akaba asigaye akorera umuziki muri Leta Zunze Ubumwe z’Amerika.

Dukuzumurenyi Jean Leonard wari umushyitsi mukuru muri ibi birori avuye muri Minisiteri y’Urubyiruko n’Umuco, yavuze ko hari byinshi byakozwe mu guteza imbere muzika, asaba abahanzi kwegera iyi Minisiteri bakayigaragariza icyo babona cyakorwa mu guteza imbere uruganda rwa muzika nyarwanda. Anabasaba gushyira imbaraga mu kwamamaza ibihangano byabo, ashimira abahembwe abibutsa ko gutsinda urugamba aba aribwo rutangiye.

Ibi birori byo gutanga ibi bihembo byari byaserutsemo ibyamamare birimo Eddy Kenzo wo muri Uganda, byari byitabiriwe kandi n’itsinda ry’abagore ba rwiyemezamirimo bakomoka mu Bufaransa na Cote d’Ivoire.

Abarimo Mike Karangwa, Phil Peter, Juda Muziki, Chris Hat, Mighty Popo nabo bari babukereye kwihera ijisho itangwa ry’ibi bihembo.

Related post

Leave a Reply

Your email address will not be published.