Vestine na Dorcas bakomeje kwesa uduhigo twinshi: Fatakumavuta yasabye Bruce Melody gukorana na bo indirimbo kuko Imana yabasize amavuta

 Vestine na Dorcas bakomeje kwesa uduhigo twinshi: Fatakumavuta yasabye Bruce Melody  gukorana na bo   indirimbo kuko Imana yabasize amavuta

Abahanzi bamaze kwamamara mu ndirimbo zo kuramya no guhimbaza Imana Vestine na Dorcas bava indimwe bakomeje kuba itara rimurikira buri wese dore ko amavuta Imana yabasize yatumye indirimbo zabo zikomeza kwesaa uduhigo mu gukundwa no kurebwa kuri youtube. Ibi biterwa n’amajwi yabo anogeye ababumva bitewe n’impano Uwiteka yabahaye.

Umunyamakuru umeneyerewe mu gisata cy’imyidagaduro mu Rwanda, Fatakumavuta na we yamaze kubibona maze yisabira rurangiranwa mu muziki nyarwanda w’ indirimbo zimenyerewe ko ari ibishegu Itahiwacu Bruce “Bruce Melody” kwicisha bugufi agasaba gukorana indirimbo n’aba bahanzi Imana yihereye italanto mu kuyisingiza baririmba.

Ibi Fatakumavuta yabitanagarije ku muyoboro wa youtube wa Isimbi tv. Aha yaganiraga n’umunyamakuru wayo Sabin. Niho yisabiye Bruce Melody ko byaba byiza akoranye na Vestine na Dorcas, abaramyi mu guhimbaza Imana kugira ngo akomeze kuba ikimenyabose.

Tubibutse ko Vestine na Dorcas ari abakobwa babiri bavukana. Bakomoka mu karere ka Musanze, Intara y’amajyaruguru. Bakomeje rero gukundwa n’ubumva wese mu ndirimbo zabo zinyuze amatwi yaba umusaza umukecuru yewe kuva yonka kugeza ku yonsa.

Aba bahanzi babarizw muri MIE empire y’umunyamakuru Murindahabi Irene ukunzwe na we n’abatari bake mu Rwanda. Mu ndirimbo yabo igezweho ubu ni iyitwa “Simpagarara”.

Related post

Leave a Reply

Your email address will not be published.