Video: Korali Elayono yasohoye indirimbo nshya ivuga ugukomera kw’Imana

 Video: Korali Elayono yasohoye indirimbo nshya ivuga ugukomera kw’Imana

Korali Elayono ikorera ubutumwa mu itorero rya ADEPR, i Remera, yasohoye indirimbo nshya bise ‘Urahambaye’ ivuga ugukomera kw’Imana.

Ubutumwa bukubiye muri iyi ndirimbo ni ubugaragaza ko ikintu cyose kibaho Imana iba ikizi kandi ikaba imenya n’iby’ibihe bizaza. Harimo amagambo agira ati:” Urahambaye Mana ntawe uhwanye nawe. Wamenye isi itararemwa, wari umfite mu bitekerezo data na mama batarabaho.”

Korali Elayono yatangiye uyu murimo wo kubwiriza ubutumwa ibinyujije mu ndirimbo mu mwaka w’ 1996, ubu imaze imyaka 25 ikora uyu murimo. Iyi korali ifite abaririmbyi basaga 150, imaze gukora imizingo 2 y’amajwi ndetse n’ubu bari gukora undi muzingo wa 3 dore ko bamaze gukoraho indirimbo 10 hakaba hasigaye indirimbo 2 gusa kugira ngo album yuzure.

Mu kiganiro umunyamakuru wa Nkunda Gospel yagiranye n’umuyobozi w’iyi korali, Madame Nyiramarora Genevieve yatangaje ko “iyi korali ifite intego ikomeye yo kwamamaza ubutumwa bwiza bw’ubwami bwa Kristo ku isi hose babinyujije mu nzira zitandukanye, haba mu ikoranabuhanga,ingendo z’ivugatumwa,gufasha abatishoboye no kumenyesha abantu ko ubwami bw’Ima buri hafi.”

Ubusanzwe korali Elayono ikorera umuziki mu buryo bw’amajwi mu nzu itunganya umuziki yitwa Solace Ministry,naho mu buryo bw’amashusho ibihangano byabo bigatunganywa na Fleury.

Ushaka kumenya byinshi ku bihangano bya korali Elayono ndetse n’amateka yaranze iyi korali yasura imbugankoranyambaga za bo zikurikira: YouTube: Elayono choir Remera official, Twitter: Elayono choir, Instagram: Elayono choir naho Facebook ni chorale Elayono.





Related post

Leave a Reply

Your email address will not be published. Required fields are marked *