Video: Umuramyi Serge IYAMUREMYE yagaragaye mu ndirimbo yo kwibuka afatanyije n’abandi bahanzi

 Video: Umuramyi Serge IYAMUREMYE yagaragaye mu ndirimbo yo kwibuka afatanyije n’abandi bahanzi

Muri iki gihe cyo kwibuka ku nshuro ya 28 Jenoside yakorewe Abatutsi muri Mata 1994, abahanzi batandukanye bagenda bakora ibihangano by’ingeri zose mu rwego rwo guhumuriza Abanyarwanda no kubakomeza. Umuhanzi Serger IYAMUREMYE usanzwe amenyerewe mu ndirimbo zo kuramya no guhimbaza Imana hano mu Rwanda, yagaragaye mu ndirimbo ijyanye no kwibuka imaze amasha make isohotse aho afatanyije n’abandi bahanzi banyuranye.

Iyi ndirimbo bise ‘Impore mawe’ ifite iminota 5 n’amasegonda 41 yatunganyijwe na Ishusho Ltd ikaba ihuje abahanzi 10 batandukanye. Yanzikwa n’ibango ry’igisigo cy’umusizi RUMAGA, ikaba ikubiyemo ubutumwa bwo gukomeza Abanyarawanda muri iki gihe kitoroshye cyo kwibuka inzirakarengane zazize Jenoside yakorewe Abatutsi mu w’1994. Bavugamo ko u Rwanda rwaciye mu bihe by’inzitane ariko ko ubu ari igihe cyo guhozwa n’abana barwo Jenoside yabaye ntizongere ukundi.

Umuranyi Serge araririmba ati: ”Mana nyiri ububasha n’ubushobozi ukomeze utange ihumure. Turizeye tuzongera kubonana n’abacu mu bwami bw’Ijuru”.

Mu nyikirizo bagana ku musozo BWIZA afatanyije na Maria YOHANA bararirimba bati: “Rwanda mugongo uduhetse reka mama nkwihoreze wowe wanyibarutse. Ntere hejuru ngira nti ‘Yoooo komera mubyeyi uduhetse abawe turagukunda horere’ Rwanda mugongo uduhetse reka mama nkwihoreze wowe wanyibarutse. Ntere hejuru ngira nti ‘Rwanda my mother land ihorere Rwanda my mother land ihorere'”.

Nawe wareba iyi ndirimbo nshya unyuze hano.

Related post

Leave a Reply

Your email address will not be published.