Video: Umuvugabutumwa yakoze akazi gakomeye ubwo yabwirizaga umukobwa uzwiho gushyigikira ibishegu

 Video: Umuvugabutumwa yakoze akazi gakomeye ubwo yabwirizaga umukobwa uzwiho gushyigikira ibishegu

Umuvugabutumwa mu itorero rya New Life City Church, Uwimana Godfroid yakoze akazi gakomeye ko kubwiriza ubutumwa bwiza inkumi yitwa Vanessa Mutoni, yihebeye imvugo z’ibishegu.

Ubwo bari mu kiganiro kuri shene ya YouTube yitwa ‘BYUKADI TV’, kiyobowe n’umunyamakuru witwa Byukusenge Didier, iyi nkumi yitwa Vanessa Mutoni, irangije kwiga ibijyanye n’amahoteli ndetse n’ibiyashamikiyeho, muri ‘Mount Kenya University, ishami ryo mu Rwanda, yashyigikiraga ko imvugo itavugwaho rumwe na benshi yitwa ‘igishegu’ yakomeza gukoreshwa mu rubyiruko ngo kuko we yumva ntacyo itwaye.” Yagize ati:

“Umunyarwanda yaciye umugani ngo ‘ubwira uwumva ntiyerura’ bityo n’igishegu nacyo ni amagambo azimije yumvwa gusa n’abo agenewe. Bityo njye numva gukoresha igishegu nta kibazo kirimo.”

Indi ngingo uyu mwari yavugaga ko yashyingirwaho kugira ngo abantu batangire bumve ko igishegu ntacyo gitwaye, ni uko ngo abakiririmba babona amafranga menshi akabafasha gukemura ibibazo byabo.”

Umuvugabutumwa Uwimana Godfroid yasubije Mutoni ko impamvu abantu bakoresha igishegu nk’imvugo izimije ari uko baba Bazi ko ibyo bavuga biteye isoni kandi ntacyo byamarira rubanda. Yagize ati:

“Impamvu bavuga iyo mvugo izimije ni uko bazi ko itiyubashye kandi ntacyo yamarira imbaga nywinshi iba iteze amatwi ibihangano byabo. Ibyo bavuga biramutse ari bizima ntibakoresha imvugo izimije.” Yakomeje agira ati:

“Abanyarwanda bakeneye kwiga guhinga ndetse n’indi myuga, bityo umuhanzi muzima yakaririmbye ibihaza ibyifuzo by’abanyarwanda ntaririmbe imyanya y’ibanga cyangwa ngo yigishe abantu ubusambanyi.”

Umunyamabanga wa Leta muri Minisiteri y’Urubyiruko n’Umuco, Hon. Bamporiki Edouard aherutse gutangariza kuri Radio 10 ko bidatinze hagiye gushyirwaho urwego rugizwe n’abahanga ruzajya rugenzura ibihangano by’abahanzi mu rwego rwo kugenzura indirimbo zigomba gutambutswa cyangwa guhagarikwa mu bitangazamakuru, ibi byaje nyuma y’uko hamaze iminsi havugwa ko abahanzi basigaye barayobotse inganzo y’indirimbo z’irimo amagambo y’ibishegu.

Ku ijanisha, abantu 44% batangaje ko indirimbo z’ibishegu zikwiriye gucibwa mu Rwanda, abandi 56% bagaragaza ko zidakwiriye gucibwa.

Byukusenge Didier

Related post

1 Comment

  • Ibintu Uwo Muvugabutumwa yavuze ni byo bimaze igihe kinini biteza ingaruka nyinshi muri societe Nyarwanda.
    Jyewe nshinja Ministère y’Umuco kurangara no gushyigikira ibi bintu.
    Ndetse na Ministère y’Uburezi nayo itabasha gufasha abana kumenya ikiza.
    “Uru Rwanda ruzubakwa cg Rusenywe na twe”

Leave a Reply

Your email address will not be published.