Vidéo:Umuramyi Vedaste N.Christian yasohoye indirimbo nshya

 Vidéo:Umuramyi Vedaste N.Christian yasohoye indirimbo nshya

Umuhanzi nyarwanda uririmba indirimbo zo kuramya no guhimbaza Imana, Vedaste N.Christian yasohoye indirimbo nshya ‘Muri gakondo’, yanditse mu mwaka wa 2017, ubwo yasengeraga ibyifuzo binyuranye.

Mu kiganiro yagiranye n’umunyamakuru wa Nkunda Gospel, Vedaste N Christian yatangaje ko iyi ndirimbo ari kimwe mu bimufasha kumva ko akwiriye gushaka ubwami bw’Imana mbere ibindi bikaba inyongera.

Yagize ati:”Iyi ndirimbo nayanditse ndi mu bihe byo gutekereza no gusengera ibyifuzo. Hashize igihe kinini, kuko nayanditse 2017, nyijyana muri studio mu mwaka wa 2018. Rero impamvu nta yindi ni uko nibukaga ko ntakwiye kurwanira ibifatika cyane ngo binyibagize intego”.

Yakomeje agira ati:

“Ni nacyo nifuriza uyumva wese, “impamba y’urugendo ntizamwibagize impamvu y’urugendo!” Ibyiza Yesu afite byose ni ibyacu, tuzabihabwa nidutabaruka”.

Vedaste N.Christian umaze gukora indirimbo zisaga 15, ni umuhanzi ukorera ubutumwa mu Mujyi wa Kigali. Avuga ko bigoye kumenya igihe yatangiriye gukora umuziki kuko yamenye ubwenge agasanga aririmba, icyakora ahamya ko yakandagiye muri Studio bwa mbere mu mwaka wa 2007.

Uyu muramyi yageze mu mwaka wa 2014 kuririmba wenyine asa nk’ubihagaritse kubw’impamvu ze bwite, ajya muri korari (Besalel Choir ADEPR Murambi/Kicukiro) nyuma mu mwaka wa 2018 nibwo yaje gusubira mu muziki ku giti cye, akaba atangiranye umwaka n’indirimbo nshya.

Related post

Leave a Reply

Your email address will not be published.