Video:Zebedayo family basohoye indirimbo baririmbanye na Diane mbere yuko ajya muri USA

 Video:Zebedayo family basohoye indirimbo baririmbanye na Diane mbere yuko ajya muri USA

Zebedayo family yamenyekanye cyane mu ndirimbo zo kuramya no guhimbaza Imana zirimo:Igicaniro, Halleluya, Ingabo n’izindi yamaze gushyira hanze indirimbo nshya yise ‘Tuvubire imvura’ baririmbanye na Diane mbere yuko ajya muri Leta Zunze Ubumwe za Amerika.

Umwe muri aba baririmbyi witwa Tresor yadusobanuriye icyo ubutumwa batambukije muri iyi ndirimbo avuga ko mu murimo w’Imana imvura ikenewe kugira ngo haboneke umusaruro. Yagize ati:

“Imvura ifatwa nk’ikimenyetso cy’umugisha kuko ku bahinzi iyo nta mvura ihari ntibahinga, niyo bahinga ntibakweza bigatuma mu gihugu hatera inzara n’amapfa. Ubusobanuro bw’imvura muri iyi ndirimbo ni uko turi mu murimo w’Imana udusaba gukora cyangwa guhinga. Guhinga ni mu buryo bwo gukora dukorera ijuru, rero muri uru rugendo hakenewe imvura y’umugisha.”

Zebedayo Family igizwe n’abaririmbyi bakomoka kuri nyakwigendera Claude Rugirira Zebedayo wari umuririmbyi ukomeye. Iri tsinda ryatangijwe n’abana 6 ba Zebedayo, rikomeza kwaguka nyuma y’uko bongeyemo abakwe, abakazana, abuzukuru n’inshuti. Zebedayo Family ibarizwamo abaririmbyi bavukana b’ibyamamare mu muziki wa Gospel Diane Nyirashimwe (Diane Zebedayo) wamamaye muri Healing Worship Team na True Promises Ministry, Tresor Ndayishimiye washinze True Promises Ministry, Richard Zebedayo umunyempano utanga icyizere cy’eho heza mu muziki, n’abandi.

Tuvubire imvura

Related post

Leave a Reply

Your email address will not be published.