“Wibuke isezerano ”, indirimbo nshya Korali Urumuri yifashishije mukongera ibyiringiro mu babitakaje

 “Wibuke isezerano ”, indirimbo nshya Korali Urumuri yifashishije mukongera ibyiringiro mu babitakaje

Korali Urumuri ikorera umurimo w’ivugabutumwa rinyuze mu ndirimbo muri ADEPR Rukurazo ku itorero rya Rukurazo yashyize indirimbo nshya yise “ Wibuke isezerano”ni ndirimbo igusha ko Imana ifasha  n’umuntu mu bintu byose igakurikirana isezerano ryayo .

Indirimbo nshya ya Korali Urumuri izaba iri kuri album yabo ya kabiri, itarabonerwa izina.

Mu magambo ayigize, umwanditsi yagize ati ‘‘ni iki gitumye wiheba ukiganyira mu mutima wawe ukavuga ko ni nzira zawe ntazizi mbese iyo ufashe urugendo, ukagaruka amahoro wibwira ko ari nde ubikoze , iyo uryamye ugasinzira , ukabona buracyeye uri muzima, wibwira ko ari nde ubikoze  kandi ni njye uzi intambwe z’ibirenge byawe buri munsi ariko ibyo byose ndabikurinda hari n’ibiza bishaka umubiri wawe n’ubugingo bwawe mwana wanjye, ariko  ibyo byose ndabikurinda.”

Korali Urumuri ibarizwa muri Paruwasi ya Remera mu itorero rya Rukurazo

Umunyamabanga wa Korali Urumuri, Theoneste Hakorimana, yabwiye NKUNDAGOSPEL  ko mu butumwa buyikubiyemo nuko Imana ihora mu buzima bwacu idufasha mubyo tunyuramo byose .

Yagize ati “ iyi ndirimbo igaruka ku byiringiro byuko Imana ihora iturinda mu bintu byinshi tunyuramo ikatureba maso muri byose,ntago ijya idukoza isoni ikurikirana ijambo ryayo ibihe byose kugeza irisohoje  .’’

Yakomeje “ashimira abafatanyabikorwa ba korali ko badasiba kubafasha muri byose kandi ashimira itangazamakuru uburyo ribafasha buri munsi’’.aha yanatubwiye gahunda bafite mu minsi iri mbere ati “Gahunda dufite ni ugukomeza kwamamaza ubutumwa bwiza ku isi hose aho ubu twatangiye  gukora album ya kabiri,tukaba tumaze gukora indirimbo 5 mu buryo bw’amajwi (audio). Dukomeje gahunda yo gukora n’izindi kugirango twuzuze Album ya kabiri ndetse Audio nirangira tuzahita dutangira uburyo bw’amashusho”.

korali Urumuri banyuzamo bagatambira Imana bagacinya akadiho

Indirimbo nshya ya Korali Urumuri izaba iri kuri album yayo ya kabiri , Iyi korali Imaze gushyira hanze indirimbo ebyiri twavugamo nka “Tumaze gukira”, “wibuke isezerano” hari izindi ndirimbo zimaze gutunganywa zizasohoka mu minsi ya vuba twavuga nk’indirimbo yitwa “Ijambo”,”Yesu uri mwiza”, “Biradukwiye”.ubu yashyize hanze iyitwa  “ Wibuke isezerano”ikomeje kugora indirimbo zizasohoka kuri album ya kabiri kugera ubu bamaze gushyira hanze indirimbo ebyiri.

Korali Urumuli ikorera umurimo w’Imana mu itorero rya ADEPR Paruwasi ya Remera itorero rya Rukurazo.korali urumuri yatangiye umurimo w’ivugabutumwa mu buryo bwo kuririmba mu 2002,itangizwa n’abantu bane yitwa korali ya Nibature.yahawe izina rya korali  Urumuri ahagana muri 2004. ikaba yarifite abaririmbyi bagera kuri 20. Muri 2018 yashize hanze  Album ya mbere Yitwa”Nzahimbaza Uwiteka”.kugeza ubu korali ifite abaririmbyi barenga 100 kandi Imana yagiye igirira neza iyi korali aho bamwe  mu bayitangije babaye abayobozi b’itorero.

UMVA HANO INDIRIMBO NSHYA “WIBUKE ISEZERANO” YA KORALI URUMURI

Related post

Leave a Reply

Your email address will not be published. Required fields are marked *