“Worship Legacy Season 3 ni igitaramo cyitondewe”-Ndayirukiye Fleury

 “Worship Legacy Season 3 ni igitaramo cyitondewe”-Ndayirukiye Fleury

Mu gihe habura amasaha abarirwa ku ntoki ngo Gisubizo Ministries ikore igitaramo cyitwa “Worship Legacy Season ya 3” Nkundagospel yifuje kumenya uko imyiteguro ihagaze.

Mu kiganiro yagiranye na Ndayirukiye Fleury, uyobora BahAfrica Entertainment iri gutegura iki gitaramo yahamije ko cyitondewe cyane mu kugutegura kuburyo kizagenda neza. Yagize ati:

“Iki gitaramo cyaritondewe cyane ndetse cyanashowemo n’amafaranga kenshi kugira ngo kizagende neza. Imyiteguro yararangiye, aho kizabera harishyuwe, ibikoresho by’umuziki bigezweho birahari, mbese turashishikariza buri umwe wese kwihutura kugura itike kugira ngo azaze muri uriya munezero.”

Ingabire Vincent ushinzwe imitegurire y’iki gitaramo unaririmba muri Gisubizo Ministries, yatangaje ko iki gitaramo kizaba kidasanzwe ashingiye ku buryo imyiteguro yagenze neza. Yagize ati:

“Iki gitaramo kizaba kidasanzwe nkurikije uko imyiteguro yagenze. Ari Ku rwego rw’abaririmbyi twamaze kwitegura ndetse n’abahanzi nabo bamaze kwitegura.” Yakomeje agira ati:

“Turasaba abakunzi bacu bose kwihutira kugura amatike mbere y’uko ashira kuko abantu bakomeje kugura amatike cyane.”

Indirimbo zizaririmbwa muri iki gitaramo cya Gisubizo Ministries Kigali imenyerewe mu ndirimbo zo kuramya no guhimbaza Imana, zizagaragara kuri album nshya izaba yitiranwa n’iki gitaramo ‘Worship Legacy Season 3’ aho indirimbo hafi ya zose ziriho zizafatirwa amashusho ‘Live recording’ muri iki gitaramo.

Ni gitaramo gitenyijwe ku wa 10 Nyakanga 2022 muri CLA i Nyarutarama. Cyateguwe na BahAfrica Entertainment ya Ndayirukiye Fleury. Iyi album izaba iriho indirimbo umunani ariko amashusho y’eshatu yamaze gufatwa anashyirwa hanze.

Iyi ni season ya gatatu y’ibitaramo bya Gisubizo Ministries. Iki gitaramo kigamije guhembura imitima y’abakunzi b’umuziki uhimbaza Imana. Muri izi zimaze gufatirwa amashusho harimo “Humura”, “Umuremyi” na “Urakwiriye”.

Iyi album yakozweho na Producer Nicolas na Fabrice Nzeyimana mu buryo bw’amajwi. Amashusho yakozweho na Ndayirukiye Fleury ari nawe uzafata ayo mu gitaramo.

Igitaramo cyo kumurika iyi album ya gatatu ya Gisubizo kizagaragaramo abandi bahanzi batanu bakomeye.

Kugeza ubu Gisubizo Ministries ibitaramo nk’ibi imaze kubikora inshuro ebyiri [season 2].

Icya mbere cyabaye muri Gicurasi 2018 kibera kuri CLA i Nyarutarama mu gihe icya kabiri cyabereye mu Intare Conference Arena mu 2019.

Gisubizo Ministries ubu imaze kugira amashami 24 ku Isi yose, mu Rwanda (7), Repubulika Iharanira Demokarasi ya Congo (3), Uganda (5), Kenya (5), Amerika (3) n’u Buholandi (1).

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *