Zikama Tresor: Byatangiye akora videwo na Telephone none ageze ku mashusho y’indirimbo yose

 Zikama Tresor: Byatangiye akora videwo na Telephone none ageze ku mashusho y’indirimbo yose

Amazina ye yitwa Zikama Tresor akaba imfura mu muryango w’abana 5, afite ababyeyi bombi, ari kwiga kaminuza mu mwaka wa 2 I Gikondo mucyahoze cyitwa SFB.

Tresor yakuriye mu muryango uhimbaza Imana, yakuze se na nyina bombi bakijijwe, akura yibanda ku gucuranga Piano akaba ari nabyo akora cyane kugeza ubu gusa  impano yo kuririmba yagiye nayo iza nubwo atabihaga agaciro kugeza ubwo inshuti n’abavandimwe batangiye kumubwira ko abishoboye atangira gukora ama videwo mato mato akayashyira kurubuga rwe rwa Instagram akabona ari gufasha benshi nibwo yatangiye kwitinyuka kugeza naho akora indirimbo zigasohoka muri studio.

Tresor yatangiye akora utu videwo duto duto na Telephone

Umwuka Wera ni indirimbo ya kabiri Tresor asohoye kuko iya mbere hashize amezi 2 ayisohoye, indirimbo yakoranye n’umucuranzi Musabwa. Mwuka wera ni indirimbo y’iminota ine n’amasegonda 17, ikoze mu njyana ya Zulu. Ni indirimbo yakorewe amajwi na Producer Ben naho amashusho yayo akorwa na Iwacu Films.

Mu kiganiro Tresor yagiranye na Nkundagospel yakomoje kucyamuteye kwandika iyi ndirimbo, yagize ati “Icyanteye gukora iriya ndirimbo nuko narindi gusoma bibiliya kubijyanye nizamurwa rya Kristo mu ijuru nezezwa nuko yavuze ko atadusize twenyine ahubwo azatwoherereza umufasha ariwo umwuka wera… nifuzako nazasangiza abandi ayo makuru mbinyujije mu indirimbo”

Zikama Tresor yizeza abakunzi be ko afite izindi ndirimbo ziri mu nzira

Akomeza ikiganiro yavuze kandi kuri gahunda afitiye abakunzi b’indirimbo n’umuziki we, yagize ati “Gahunda mfitiye abakunzi abakunzi banjye nuko bidatinze mfite indi ndirimbo nkiri gukora nayo izabageraho vuba.”

Mu gusoza ikiganiro twagiranye, Tresor, yashimiye abakunzi be ndetse n’abamufasha muri uyu murimo we w’ivugabutumwa bwiza, yagize ati “Ndabanza gushimira abakunzi banjye kuko bampa reaction nziza bikantera imbaraga ikindi ndashimira abamfashije byumwihariko CHRIS IWACU n’umuryango we ikindi nkaba nshimira Papa na mama ko badahwema kunshigikira mubyonkora.

Izi ndirimbo ndetse n’ibindi bikorwa by’umuhanzi Tresor wabisanga kumuyoboro we wa Youtube uri mu mazina ye, Zikama Tresor ndetse no ku rubuga rwa Instagrama aho akoresha amazina ya Tresor Piano. Uwashaka kumuvugisha yamuhamagara kuri nomero ya Telephone ariyo 0780663850.

Ni umuririmbyi akaba n’umucuranzi

Umva indirimbo Mwuka Wera ya Tresor,

Related post

2 Comments

  • Courage bro😍Imana ikomeze ikwagure muburyo bugiye butandukanye🙏turagukunda❤️

  • ISENGESHO rya buri munsi ni uko Imana ikwagura kandi igakomeza intambwe zawe.
    Impano y’Imana wahawe iri kubaka imitima y’abantu benshi ari bwo buryo bwo kwagura ubwami bw’Imana. Corage. Imbaraga n’amavuta. From Ebenezer Church

Leave a Reply

Your email address will not be published. Required fields are marked *